ID-PD-ASD ᐊᔭᔨᒥᔪᓇᓄᒡ ᒐᒋ ᐊᔅᑯᑎᒪᒐᐅᓂᒡ ᑭᔭ ᒥᑐᓇᐃᒋᑭᓂᒡ ᐊᐛᐎᒋᐛᓄᒡ ᐊᓐᑕ ᒐᐃᔅ ᐛᐎᒋᐊᓄᒡ ᑭᔭ ᐱᒪᑎᓯᔪᐅᓂᒡ᙮
ᐊᓐᑕ Centre de réadaptation en Déficience intellectuelle (DI) et en Trouble du spectre de l’autisme (TSA) [ᐊᔭᔨᒥᔪᓇᓄᒡ ᒐᒋ ᐊᔅᑯᑎᒪᒐᐅᓂᒡ (ID) ᑭᔭ ᒥᑐᓇᐃᒋᑭᓂᒡ ᐛᔅᑐᐱᐛᒡ (ASD) ᐊᐛᐎᒋᐛᓄᒡ ᐊᓐᑕ ᒐᐃᔅ ᐛᐎᒋᐊᓄᒡ ᑭᔭ ᐱᒪᑎᓯᔪᐅᓂᒡ᙮
ᐅᐛᓴᒡ ᓴᑯ 6 ᐊᓱᑕᒡ ᐊᑕᑎᐳᓇᓯᒡ ᐊᓐᑕ ᐊᓂᐧᑲᑎᓯᒡ ᒐᒋ ᐊᔅᑯᑎᒧᐛᑲᓄᒡ ᔭᐱᒡ ᐊᓯᓇᑯᓂᒡ ᐊᑎᑯᓂᒡ ᒐᒋ ᐛᐎᒐᑲᓄᒡ᙮
ᐊᓐᑕ ᐊᓱᐛᐎᒋᐛᓄᒡ ᐊᓯᓇᒂᒡ ᒐᒋ ᐛᐎᒐᑲᓄᒡ ᐅᐛᓴᒡ ᑭᔭ ᐊᐛᓐᒋ ᒐᒋ ᐱᒪᑎᓯᒡ ᒐᒋ ᐊᑐᑕᒡ ᒐᒂᓐ ᐊᓯᑯᒻ ᒋᓯᑲᐛ ᒪᒂᒡ ᑕᑐᐎᒡ ᒐᒂᔪᐤ ᒐᒋ ᐊᑐᑕᒡ (ᒧᔭᒻ ᐊᓯᒥᒍᐅᓇᓄᒡ, ᒐᐃᔅ ᓇᑲᑐᐛᐃᒥᑎᓱᓇᓄᒡ, ᒐᒋ ᐃᓯᔨᒪᑲᓄᒡ, ᒐᐃᔅ ᔭᔭᑎᓐᑎᓱᒡ, ᐊᔅᑯᑎᒪᒐᐅᓐ, ᒐᒂᓐ ᐊᓯᑯᒻ ᒋᓯᑲᐛ ᐊᑐᑕᑲᓄᒡ ᒐᒂᓐ) ᐊᓂᔭ ᑎᑯᑕᒡ ᐱᒪᑎᓯᔪᐅᓐ ᑭᔭ ᒐᒂᔪᐤ ᐊᓄᑕᐱᐃᒡ᙮ ᒐᒂᓐ ᐛᐱᐧᑯᒋᑕᑲᓄᒡ ᒐᒋ ᐅᔅᑯᐃᔅᑐᐛᑲᓄᒡ ᒐᒂᔪᐤ ᒐᒋ ᐊᑐᑕᒡ ᑭᔭ ᒐᐊᑲ ᐊᔭᐃᒥᔪᒡ ᐊᓐᑕ ᓄᑎᒻ ᑕᑐᐎᒡ ᐱᒪᑎᓯᔪᐅᓂᒡ ᒐᒂᓐ ᐎᑐᑕᑲᓄᒡ, (ᐱᒪᑎᓯᔪᐅᓐ, ᐊᔅᑯᑎᒪᒐᐅᓐ, ᐊᑐᔅᒐᐅᓐ ᑭᔭ ᑯᑎᒃ ᒐᒂᓐ)
