ᑎᑐᔅᒐᐅᓇᓐ
ᐃᑎᓱᐛᐅᓐ, ᐊᑐᔅᒐᐅᓐ ᐊᓯᐱᒧᑕᓄᒡ ᐃᔪᔅᒋᔾ ᐊᐧᑯᓯᐅᒋᐛᑉ ᐸᔅᑎᓇᑲᓄᒡ ᐊᐛᐎᒋᐛᓄᒡ ᑭᔭ ᒥᔪᐱᒪᑎᓯᔪᐅᓐ ᑭᔭ ᒐᐃᔅ ᓇᑲᑐᐛᐃᑕᑲᓄᒡ, ᓇᑲᑐᐛᐃᑕᑲᓄᒡ, ᑲᐤ ᒐᒋ ᑎᒂᒡ ᒥᔪᐱᒪᑎᓯᔪᐅᓐ ᑭᔭ ᒪᒃ ᒥᔪᔅᑕᑲᓄᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ ᒐᐃᔅ ᐛᐎᒐᑲᓄᒡ ᐃᔪᒡ ᐊᓐᑕ ᐃᑕᐅᓂᒡ᙮
ᐊᐅᑯᑦ, ᐊᓐ ᐊᐅᐧᑯᓯᐅᒋᐛᑉ ᒐᒋ ᐛᐸᑕᑲᓄᒡ ᐊᓐᑕ ᐃᔪᒡ ᐊᓄᑕᐱᐃᒡ ᑭᔭ ᑯᑎᑲᒡ ᐊᓐᒡ ᐅᓂᒋᑯᒪᐅᒡ ᒐᒋ ᐛᐎᒐᑲᓄᒡ ᒐᒋ ᐅᔅᑕᐱᓯᒪᑲᓄᒡ, ᒐᒋ ᓇᑐᔅᒐᐃᑕᑲᓄᐃᒡ ᒐᒂᔪᐤ ᐊᓄᑕᐱᐃᒡ ᑭᔭ ᐊᓄᑕᐱᐃᒡ ᒐᐃᔅ ᐛᐎᒐᑲᓄᒡ ᐊᓐᑕ ᐊᐧᑯᓯᐅᒋᐛᐱᒡ ᑭᔭ ᒪᒃ ᐛᒋᒡ, ᐊᔅᑯᑎᒪᑐᐅᓂᒡ, ᐊᑐᔅᒐᒡ ᑭᔭ ᐎᒋᐛᒡ ᐃᑕᐅᓂᒡ᙮ ᐊᓐᑕ ᐃᓯᓇᒂᒡ,ᐊᓐᑕ ᒐᒋ ᐃᒥᓇᓄᐃᒡ ᑯᑎᑲ ᐊᐧᑯᓯᐅᒋᐛᐸ ᒐᒋ ᐃᑎᓴᐛᑲᓄᒡ, ᐊᓐᑕ ᒐᒋ ᒥᔪᐛᐎᒐᑲᓄᒡ᙮ ᐊᓯᓇᑯᓂᒡ ᐅᑎᑐᔅᒐᐅᓄᐛᐤ ᐊᐧᑯᓯᐅᒋᐛᑉ ᔭᐱᒡ ᒐᒋ ᐊᑐᔅᑲᔅᑕᒡ ᑕᑐᐎᒡ ᐊᐧᑯᓱᐅᓂᒡ ᒐᒋ ᑎᑯᓂᒡ ᐊᓐᑕ ᐃᑕᐅᓂᒡ, ᐊᓐᑕ ᐊᑎᓯᓇᑕᐃᑲᓄᒡ ᐊᓐᑕ ᐊᓱᐛᐎᒋᐛᓄᒡ ᐊᐧᑯᓱᐅᓐ ᐎᓱᐛᐅᓂᒡ (ᐱᔅᒋᑎᓯᓇᐃᑭᓐ S-2.2)᙮
ᓇᔅᑲᐱ ᐊᐧᑯᓯᐅᒋᐛᑉ ᐊᑕᐱᑎᒡ ᐃᔪᒡ ᒐᒋ ᐊᐛᐎᒐᑲᓄᒡ ᐊᔅᒋᐱᐃᒡ ᒐᒋ ᒥᔪᐱᐃᒡ ᑭᔭ ᐊᑐᔅᑲᔅᑕᑲᓄᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ ᐊᓐᒡ ᓇᔅᑲᐱ ᐃᔪᒡ ᐊᓐᑕ ᒐᒋ ᑕᐅᐎᒡ ᒐᒋ ᐛᐎᒐᑲᓄᒡ, ᐃᔨᒧᐅᓐ ᐱᒧᑕᑲᓄᒡ ᑭᔭ ᒐᐃᔅ ᓇᑲᑐᐛᐃᒥᑎᓱᓇᓄᒡ, ᐊᓇᑐᔅᒐᐃᒪᑲᓄᒡ ᐊᐛᓐᒋ ᑭᔭ ᐊᑕᐧᑯᓯᒡ ᑭᔭ ᐎᒍᐛᒡ ᐛᐎᒐᑲᓄᒡ ᑯᐸᓇᓴ᙮ ᐊᓐᑕ ᐱᔅᒐ ᒐᒋ ᐊᔅᒋᐱᑕᑲᓄᒡ ᐊᑐᔅᑲᔅᑕᑲᓄᒡ ᐊᐧᑯᓱᐅᓐ ᐊᓐᑕ ᒋᐛᑎᓄᒡ, ᓇᔅᑲᐱ ᐊᐧᑯᓱᐅᒋᐛᑉ:
- ᐃᔨᒧᐅᓐ ᐛᐸᑎᐛᓄᒡ ᒐᒋ ᑲᔅᑎᓇᑲᓄᒡ ᐊᐛᐎᒋᐛᓄᒡ ᐊᓐᑕ ᑲᐤ ᒐᒋ ᐊᓱᐱᔅᑎᓇᑲᓄᒡ ᒐᐃᓯᐱᒧᑕᓄᒡ᙮
- ᐛᐎᒋᐛᐅᓐ ᐊᓐᑕ ᐃᔪᐤ ᐃᑐᐅᓐ ᐊᓐᑕ ᒐᒋ ᐃᓯᐱᒧᑕᓄᒡ ᐊᓐᑕ ᒋᑕᐸᑕᑲᓄᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ ᐃᔪᐤ ᐃᑐᐅᓂᒡ᙮
- ᐊᑐᔅᑲᔅᑕᑲᓄᒡ ᒥᒠᐱᒡ ᐊᓱᐛᐎᒋᐛᓄᒡ ᑭᔭ ᒪᒃ ᑯᑎᑲ ᐛᐎᒋᑐᐅᓐ ᑭᔭ ᒐᒂᓐ ᐊᓯᓄᑕᐱᐃᓇᓄᒡ ᐛᒋᒡ ᐊᐛᓐᒋ ᑭᔭ ᒪᒃ ᐅᓂᒋᑯᒪᐅᒡ᙮
- ᐊᔅᒐᐃᑕᒂᒡ ᐊᓐᑕ ᐛᒋᑐᔅᒐᒪᑲᓄᒡ ᐊᓐᑕ ᐊᑎᒂᒡ ᐃᔪᔅᒋᒡ ᑭᔭ ᐊᐛᐸᑎᐛᓄᒡ ᐊᓱᒐᐃᑕᒂᒡ ᐊᓱᐛᐎᒐᑲᓄᒡ᙮
- ᐊᓇᑲᑐᐛᐃᑕᑲᓄᒡ ᐛᔅᑲ ᐊᔅᒋᔾ ᐊᓐᑕ ᐊᐛᐸᑎᐛᓄᒡ ᐊᒥᓇᒋᑕᑲᓄᒡ ᑭᔭ ᐎᑲᐳᐎᑕᑲᓄᒡ ᒐᒂᓐ᙮
ᑕᑈᒐᐃᑕᓇᓐ ᐊᓐᒡ ᐃᔪᒡ ᒐᐅᒡ ᓱᒋᑲᐳᐎᑕᑲᓄᒡ ᐊᑐᔅᑲᔅᑕᑲᓄᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ ᑭᔭ ᐊᐅᑯᑦ, ᐊᓐᑕ ᐛᒋᐱᐃᒡ ᐱᑎᓱ ᐊᓐᑕ ᓇᔅᑲᐱ ᐊᐧᑯᓱᐅᒋᐛᐱᒡ᙮ ᐊᑎᓱ ᔭᐱᒋᑕᒡ, ᐅᓂᒋᑯᒪᐅᒡ, ᐊᒪᒧᐎᒡ ᑭᔭ ᒪᒃ ᐃᔪᔅᒋᒡ ᐛᒋᒡ, ᐊᓐᒡ ᓇᔅᑲᐱ ᐅᔅᑲᒡ ᐊᓐᑕ ᐊᔭᑲᓄᒡ᙮
ᓂᑲᓐ ᐛᓱᐛᐸᑕᑲᓄᒡ
ᓇᔅᑲᐱ ᐊᐧᑯᓱᐅᒋᐛᑉ ᐊᑕᑈᐃᑕᒡ ᐊᓐᑕ ᓄᑎᒻ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ ᐊᓱᐛᐎᒐᑲᓄᒡ ᓇᔅᑲᐱ ᐃᔪᒡ ᐊᓐᑕ ᐃᓯᓇᒂᒡ ᓄᑎᒻ ᐛᐎᒐᐅᓯᔪᐅᓐ ᐅᒋᐱᐃᒡ ᐊᓐᑕ ᓇᔅᑲᐱ ᐃᔪᒡ ᐊᓐᑕ ᐎᐃᐛᐤ ᒐᒋ ᒋᑕᐸᑕᒡ ᐊᐧᑯᓱᐅᓂᔪᐤ ᑭᔭ ᒥᔪᐱᒪᑎᓯᔪᓂᔪᐤ᙮ ᐊᓐᑕ ᒐᔅᒋᐱᔭᑲᓄᒡ ᒪᒧ ᐊᓂᔭ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓂᔪᐤ ᑲᑐᔅᒐᓯᒡ ᐊᓐᑕ ᐛᐎᑕᒡ ᐊᓯᔭᐃᒪᐃᑎᒥᑯᒡ ᐊᐧᑯᓱᐅᓂᔪᐤ ᑭᔭ ᒥᔪᐱᒪᑎᓯᔪᐅᓂᔪᐤ ᐊᓐᑕ ᒐᒋ ᐅᒋᐱᐃᒡ ᓇᔅᑲᐱ ᐎᐱᒡ ᑲᐃᔅ ᐱᒪᑎᓯᓇᓄᒡ ᑭᔭ ᐃᔪᐤ ᐃᑐᐅᓂᒡ᙮ ᐊᓐᑕ ᐊᓯᒋᑕᐸᑕᑲᓄᒡ, ᓂᑲᓄᒡ ᐊᓱᐛᐸᑎᒪᒡ ᐊᐅᑯᓐ: “ᒐᒋ ᑲᓄᐛᐃᑕᑲᓄᒡ ᓂᑐᐛᐃᑎᒧᐅᓐ ᑭᔭ ᓱᒐᐃᑎᒧᐅᓐ ᒐᒋ ᐅᒡ ᐊᑐᔅᒐᒥᒋᒡ ᐃᔪᒡ ᐊᓯᑯᒻ ᒋᓯᑲᐛ, ᑎᐸᓐ ᐊᓯᐱᒧᑕᓄᒡ ᒐᒋ ᐊᔅᒐᐃᑕᒂᒡ ᒐᒋ ᑯᐎᔅᑯ ᐊᑐᔅᑲᔅᑎᒪᒡ ᐊᑐᔅᒐᐅᓐ ᐊᓱᒐᐃᑕᒂᒡ ᑭᔭ ᒐᒋ ᒥᔪᐱᑕᑲᓄᒡ ᒐᒂᓐ ᐊᒋᑕᐸᑕᑲᓄᐃᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ᙮”
ᐱᑎᓱ ᒐᒂᓐ ᐊᒥᔪᒋᑕᐸᑎᒪᒡ / ᐊᔅᑕᐃᑕᒂᒡ ᐃᑕᐃᑎᒧᐅᓇ
ᐃᔅᐱᑕᐃᑕᒂᒡ ᑭᔭ ᑲᐃᔅᓱᐛᐸᑕᑲᓄᒡ ᐊᑕᐃᑕᒂᒡ ᐱᑎᓱ ᐊᔅᐱᑕᐃᑕᒂᒡ ᐊᑐᔅᑲᔅᑕᑲᓄᒡ ᐊᓐᑕ ᒐᒋ ᑎᒂᒡ ᐛᐎᒐᐅᓯᔪᐅᓐ ᐛᐃᓯᐱᒧᑕᓄᒡ ᐊᑐᔅᑲᔅᑕᑲᓄᒡ ᓇᔅᑲᐱ ᐊᐧᑯᓯᐅᒋᐛᑉ᙮ ᐊᐅᑯᓐ, ᓂᔭ ᐊᔅᑕᐃᑕᒂᒡ ᐃᑕᐃᑎᒧᐅᓇ, ᐊᔅᑕᑲᓄᒡ ᐅᔅᑭᒡ ᐎᐃᐛᐤ ᐊᑎᑎᔭᑲᓄᒡ
ᐊᔅᐱᑕᐃᑕᒂᒡ: ᓇᔅᑲᐱ ᐊᐧᑯᓱᐅᒋᐛᑉ ᐊᓯᐱᒧᑕᒥᑲᒡ ᐊᓐ ᐸᐃᒄ ᒐᒂᓐ ᐊᔅᑯ ᒐᒋ ᒥᔪᐱᑕᑲᓄᒡ ᐊᓐᑕ ᐊᔅᐱᑕᐃᑕᒂᒡ ᐊᓱᐛᐎᒋᐛᓄᒡ ᑭᔭ ᐊᓯᑐᔅᑲᔅᑕᑲᓄᒡ ᐊᑐᔅᒐᐅᓐ᙮ ᐊᑕᐃᑎᒪᒡ ᐊᔅᐱᑕᐃᑕᒂᒡ ᑕᑐᐎᒡ ᒐᒂᓐ ᐊᒋᑕᐸᑕᑲᓄᒡ, ᒧᔭᒻ ᐊᐧᑯᓱᐃᔪᐤ ᐊᒥᔽᐃᑕᑦ ᐊᓱᐛᐎᒐᑲᓄᑦ, ᒐᒋ ᐊᔅᒐᐃᑕᒂᒡ ᒐᒋ ᒥᔪᐱᐃᒡ ᑭᔭ ᐊᓱᒋᐱᐃᒡ ᐊᐱᒋᑕᑲᓄᒡ ᒐᒂᓐ ᒐᐅᒡ ᐊᑐᔅᑲᐛᒐᓄᒡ ᒐᒋ ᐛᑕᐸᑕᑲᓄᒡ ᐊᑐᔅᒐᐃᑕᑲᓄᒡ ᐊᔅᐱᑕᑲᓄᒡ ᑭᔭ ᐃᔨᒧᐅᓐ ᐊᑲᔅᑎᓇᑲᓄᒡ ᐊᑎᑯᑕᒡ ᑭᔭ ᒪᒃ ᐊᓐᑕ ᐊᓂᔅᑲᑐᓇᓄᒡ ᑭᔭ ᐊᓯᑲᓄᐛᐃᑕᒡ ᑲᑐᔅᒐᓯᒡ ᑭᔅᒋᔪᐅᓂᔪᐤ ᑭᔭ ᐊᑐᔅᑲᔅᑕᒡ ᐊᓯᑲᓄᐛᐃᑕᒡ ᐊᓯᐱᐧᑯᑕᒡ ᐅᑎᑐᔅᒐᐅᓄᐛᐤ ᑭᔭ ᓂᔅᑐᐛᐸᑕᒡ ᐊᐧᑯᓱᐅᓂᔪᐤ ᐊᑐᔅᒐᐅᓂᔪᐤ᙮ ᐊᓐᒡ ᓇᔅᑲᐱ ᐊᐧᑯᓯᐅᒋᐛᑉ ᐛᑐᑕᒡ ᒐᒋ ᐱᒧᑕᒡ ᓇᔅᒐ ᒥᔪᑯᑕᐃᒡ ᐊᑐᔅᒐᐅᓂᔪᐤ᙮ ᒐᐃᔅᔄᓄᐤ, ᐛᐱᐧᑯᒋᑕᑲᓄᒡ ᒐᒋ ᒥᔨᐛᓄᒡ ᑯᐎᔅᑯ ᒐᒋ ᐛᐎᒋᐛᓄᒡ, ᐊᓐᑕ ᐊᐧᑯᓯᐅᒋᐛᐱᒡ, ᐊᓐᑕ ᐊᑲᔅᑕᐃᑲᓄᒡ ᑎᐸᐃᑭᓐ, ᐊᓐᑕ ᐊᐛᓐ ᐊᐛᐎᒋᐛᑦ, ᐊᓐᑕ ᐃᔅᐱᑕᑲᓄᒡ ᑲᑐᔅᒐᓯᒡ ᐊᓂᔅᑐᐛᐸᑕᒡ ᐊᑐᔅᒐᐅᓂᔪᐤ᙮
ᓂᑲᓂ ᐛᐸᑎᒧᐅᓐ ᑯᐎᔅᑯ ᐊᔨᒥᓇᓄᒡ, ᓂᑲᓂ ᐛᐸᑎᒧᐅᓐ ᐊᐅᑯᓐ ᐛᑯᔅᑎᒐᓄᒡ ᑭᔭ ᐛᓇᐃᑲᐃᑭᓄᒡ ᑭᔭ ᒪᒃ ᐛᒥᔪᐱᑕᑲᓄᒡ ᐊᓐᑕ ᐊᑐᑕᒐᑦ ᐅᓱᑯᓇᓄᒡ ᐊᓐᑕ ᒥᑯ ᐊᓯᓇᒂᒡ ᐊᒥᓴᒡ ᒐᒂᓐ, ᐊᓐᑕ ᐊᑐᑕᑯᔭᐤ ᓇᓐᑎᒻ ᒋᑕᐸᑕᑲᓄᒡ ᒐᑐᑕᒐᐤ ᑭᔭ ᐊᓐᑕ ᐃᓯᓇᒂᒡ ᒐᒋ ᒥᒋᐱᐃᒡ, ᒥᔽᐤ ᒥᑯ ᐅᔭ ᐃᑕᐃᑎᒧᐅᓐ ᐊᓐᑕ ᐊᒪᑕᐃᑎᒪᐤ ᒋᐱᒪᑎᓯᔪᓇᒡ, ᒥᔅᑯᒡ ᐊᓐᑕ ᒪᔅᑕᔾ, ᐊᓐᑕ ᐊᐛᐸᑎᐛᓄᒡ ᒐᒂᓐ ᒐᐅᒡ ᐛᐎᒋᐛᒡ ᐊᓐᑕ ᐊᓯᑐᔅᑲᔅᑐᒋᒡ ᓇᔅᑲᐱ ᐃᔪᒡ᙮
ᐊᓐᑕ ᐊᓯᒥᔪᔅᑕᑲᓄᒡ ᐊᔅᐱᑕᐃᑕᒂᒡ ᒐᒂᓐ, ᐊᓯᓇᓴᐃᑲᓄᒡ ᐊᑐᔅᒐᐅᓐ ᑭᔭ ᐃᔪᐤ ᐱᒪᑎᓯᔪᐅᓐ ᐃᔅᐱᑕᐃᑎᒧᐅᓐ ᐊᓐᑕ ᐛᑎᓱᑕᑲᓄᒡ ᐊᑐᔅᒐᐅᓐ ᒐᐃᑎᑯᑕᐤ ᐊᓐᑕ ᓇᔅᑲᐱ ᐊᐧᑯᓯᔪᐅᒋᐛᐱᒡ ᒐᒋ ᐊᔅᒋᐱᑕᑲᓄᒡ ᐊᔅᑕᐃᑎᒧᐅᓇ᙮ ᐊᑎᒂᒋ ᐊᓱᒋᑎᔅᑲᒐᐅᓐ ᐊᓐᑕ ᐊᐛᐎᑕᑲᓄᒡ ᐊᓯᐱᔅᑎᓇᑲᓄᒡ ᓱᒐᐃᑎᒧᐅᓐ ᑭᔭ ᒥᔪᑕᐊᓱᐅᓐ ᐊᓐᑕ ᐊᓱᐛᑎᔅᑕᑲᓄᒡ ᒐᐃᓯᐱᒧᑕᓄᒡ, ᐊᓐᑕ ᐃᔨᒧᐅᓐ ᒐᐅᒋᐱᐃᒡ ᐊᓐᑕ ᓇᑲᓄᔅᑲᒡ ᐊᓐᑕ ᑕᑐᐎᒡ ᓇᔅᑲᐱ ᑎᐸᐃᑎᒧᐅᓂᒡ ᐊᓐᑕ ᐃᔪᔅᒋᒡ᙮ ᓇᔅᑲᐱ ᐊᐧᑯᓱᐅᒋᐛᑉ ᐊᑕᑈᐃᑕᒡ ᐊᓱᐱᔅᑎᓂᒪᒡ ᐃᔅᐱᑕᐃᑎᒧᐅᓂᔪᐤ ᐊᑎᒂᒡ ᐛᑎᓴᒧᐅᓐ ᐊᓐᑕ ᐊᓯᐱᒧᑕᓄᒡ ᐊᓂᔅᑯᒧᐅᓇᓄᒡ ᒐᒂᓐ ᐅᔅᑲᒡ ᐊᔅᑕᑲᓄᒡ ᐊᓐᑕ ᐛᔅᑕᐱᑎᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓐ ᐊᓐᑕ ᓇᔅᑲᐱ ᐃᔪᔅᒋᒡ᙮ ᒪᐎᔭ ᐊᔅᑕᐃᑎᒧᐅᓇ:
ᐃᔅᐱᑕᐃᑎᒧᐅᓐ: ᐃᔅᐱᑕᐃᑎᒧᐅᓐ ᐊᓐᑕ ᐛᔅᑕᐱᑎᒡ ᐊᓐᑕ ᐊᑎᐱᑦ ᐊᐛᓐ᙮ ᐊᔅᑕᐃᑎᒧᐅᓐ ᐛᒋᐱᐃᒡ ᐊᓐᑕ ᐊᐛᓐ ᐛᔅᑕᐱᑎᒡ ᐊᓐᑕ ᑯᑎᑲ ᐊᐛᐃᐛ ᐊᓱᐎᒐᐅᑯᑦ᙮ ᐊᐛᓐ ᐊᐅᑯᑦ ᐊᓯᒋᑕᐱᒪᑲᓄᑦ ᐊᓯᑲᓄᐛᐃᑕᒡ ᓱᒋᔪᐅᓂᔪᐤ ᑭᔭ ᐊᔅᒐᐃᑎᒧᐅᓂᔪᐤ᙮ ᐃᔅᐱᑕᐃᑎᒧᐅᓐ ᐊᓄᑕᐱᐃᒡ ᐊᒥᔪᑎᓇᑲᓄᑦ ᐊᓐᑕ ᑕᑎᐸᓐ ᐊᓐᑕ ᐊᐛᓐᒋ ᑭᔭ ᐃᑕᐃᑕᑯᓱᐅᓐ ᐊᑎᑯᑕᒡ᙮
ᐸᐃᑯᑕᐤ ᐃᑕᐃᑎᒧᐅᓐ: ᐸᐃᑯᑕᐤ ᐃᑕᐃᑎᒧᐅᓐ ᐊᐛᐎᒋᐛᐅᓐ ᒐᒋ ᑎᒂᒡ ᐱᔅᒐ ᐊᐛᓐᒋ ᑎᐸᓐ ᒐᒋ ᐃᓱᑎᓇᑲᓄᒡ᙮ ᐊᔅᑕᐃᑎᒧᐅᓐ ᐊᓐᑕ ᐊᓯᒋᑕᐸᑕᑲᓄᒡ ᐃᔅᐱᑕᐃᑎᒧᐅᓐ ᑭᔭ ᓇᓇᔅᑯᒧᐅᓐ ᐊᓐᑕ ᑎᐱᐛᐅᓯᔪᐅᓐ ᑭᔭ ᐊᑲ ᑎᒂᒡ ᑯᔅᑎᒐᐅᓐ ᐊᓐᑕ ᐊᐛᓐᒋ ᐊᓐᑕ ᐱᑎᓱ ᐊᑐᔅᑲᔅᑐᐛᑲᓄᒡ ᐊᑐᔅᒐᐅᓂᒡ᙮ ᐊᐛᐎᑕᑲᓄᒡ ᐊᓐᑕ ᐸᐃᑯᑕᐤ ᐊᓱᐛᐎᒋᐛᓄᒡ ᐊᓐᑕ ᐛᒋᑐᔅᑲᐛᒐᓄᒡ ᐊᑐᔅᒐᐅᓐ, ᐊᑐᔅᒐᐅᓐ ᑭᔭ ᐊᑐᔅᑲᐛᒐᓄᒡ ᒐᒂᓐ ᒥᔅᑯᒡ ᐊᐛᓐᒋ ᐸᐃᑯᑕᐤ ᒐᒋ ᐃᑐᑐᐛᑲᓄᒡ᙮ ᐸᐃᑯᑕᐤ ᐃᑕᐃᑎᒧᐅᓐ, ᒪᐛᒡ ᒥᑯ ᐸᐃᑯᑕᐤ ᐊᐃᑐᑕᑲᓄᒡ ᒐᒂᓐ, ᐊᓄᑕᐱᐃᒡ ᒥᑐᓇᐃᒋᑭᓐ ᑭᔭ ᑕᑈᒧᐅᓐ᙮
ᒐᔅᑎᓇᑕᔨᑕᑯᓱᐤ ᒐᔅᑎᓇᑕᔨᑕᑯᓱᐤ ᐊᔅᒋᔄᒥᑲᒡ ᐊᒪᒧᐧᑲᓄᑦ ᑎᐱᐛᐅᓯᔪᐅᓐ, ᐊᔅᑕᐃᑎᒧᐅᓐ, ᐃᑕᐃᑎᒧᐅᓐ, ᐃᑎᓱᐛᐅᓇ ᐊᓐᑕ ᐊᐛᐸᑎᐛᑦ ᑭᔭ ᐛᒋᐛᑎᓱᐛᓄᒡ ᐊᓐᑕ ᐊᑐᔅᒐᐅᓐ ᐊᑐᔅᑲᔅᑕᑲᓄᒡ᙮ ᓄᑎᒻ ᒐᒂᓐ ᐊᔅᐱᐃᒡ ᑎᒂᒡ ᒐᔅᑎᓇᑕᔨᑕᑯᓱᐅᓐ ᒐᒋ ᒥᔪᑎᓇᑲᓄᒡ ᐛᑐᑎᒪᒡ ᐊᑐᔅᒐᐅᓐ, ᒐᐊᑲ ᐊᓐᑕ ᑎᐸᓐ ᑎᑎᔭᑲᓄᒡ ᐊᐛᓐᒋ ᑭᔭ ᔨᔭᑲᓄᒡ ᐊᓐᑕ ᒐᒋ ᐊᐱᒋᑕᑲᓄᒡ ᐃᔨᒧᐅᓐ ᐊᑲ ᒥᔽᒡ ᐊᓯᒪᑲᓄᒡ ᐊᐛᓐᒋ, ᑭᔭ ᒐᒋ ᓇᓇᔅᑯᒧᐅᓇᓄᒡ, ᑯᐎᔅᑯ ᑭᔭ ᓱᒐᐃᑎᒧᐅᓐ, ᐊᓐᑕ ᐊᓱᐛᐎᒋᐛᓄᒡ ᐊᑐᔅᒐᐅᓂᒡ ᐊᓐᑕ ᐛᑐᔅᑲᔅᑐᐛᑲᓄᒡ ᑯᐎᔅᑯ ᐊᐛᓐᒋ᙮
ᑯᐃᔅᑯ ᐃᑐᐤ ᑯᐃᔅᑯᐃᑐᐤ ᐊᓐᑕ ᐃᓯᓇᑯᓐ ᑭᔭ ᒪᒃ ᐊᑎᓱ ᑯᐎᔅᑯ ᐃᑕᐃᑕᑯᓱᐅᓐ ᐊᓐᑕ ᐊᒋᑕᐸᑕᑲᓄᐃᒡ ᐊᐛᓐᒋ ᐊᓯᓇᑯᓂᒡ ᐅᑎᑐᔅᒐᐅᓄᐛᐤ᙮ ᐊᓄᑕᐱᐃᒡ ᓇᓐᑎᒻ ᐊᓐᑕ ᒪᒥᑐᓇᐃᒋᑭᓐ, ᐃᔨᒧᐅᓐ ᑭᔭ ᐊᑐᑎᒧᐅᓐ, ᑭᔭ ᓇᐊᔨᑎᒧᐅᓐ ᒐᒋ ᓂᑲᓄᔅᑲᓄᒡ ᐊᓐᑕ ᑕᑐᐎᒡ ᒐᒋ ᐛᓯᑕᐱᐃᒡ ᓱᒐᐃᑎᒧᐅᓐ᙮ ᔭᐱᒡ ᐃᔭᔨᒺᐛᔨᑕᐤ ᐊᓂᔅᑐᐛᐸᑕᑲᓄᒡ ᐊᐱᔅᑲᐸᑕᑲᓄᒡ ᓱᒋᔪᐅᓐ ᑭᔭ ᒐᐃᔅᐱᓯᓇᒂᒡ ᒐᒂᓐ ᐊᑐᑕᑲᓄᒡ ᑭᔭ ᐊᔅᒋᔄᒥᑲᒡ ᒐᐊᐱᑯᒋᑕᒡ ᐊᐛᓐᒋ ᑭᔭ ᑯᑎᑲᒡ ᐊᒪᒧᐎᒡ ᐊᐛᓐᒋ᙮