ᓇᑲᑐᐎᒥᑐᐅᓐ ᑭᔭ ᐊᐛᐃᒋᐛᓄᒡ
ᒥᔪᐤ ᒐᒋ ᓇᑲᑐᐛᐃᑕᑲᓄᒡ ᑕᑐᐎᒡ ᒐᒋ ᐃᓯᐛᐎᒋᐛᓄᐤ
ᐃᓯᓇᒂᒡ ᐊᐛᓐᒋ ᐊᓄᑕᐱᐃᒡ ᐊᐧᑯᓱᐅᓂᔪᐤ, ᐊᓐᑕ ᐊᑎᓯᒧᒡ ᐊᓐᑕ ᓇᔅᑲᐱ ᐊᐅᐧᑯᓱᒋᐛᐱᒡ, ᐊᓐᑕ ᐅᔅᑲᒡ ᒐᒋ ᒋᑕᐸᑕᒡ ᒐᒋ ᒋᓴᐅᒋᒪᑲᓂᒡ ᑯᐸᒃ ᒐᒋ ᐅᒡ ᐛᐎᒐᑲᓄᒡ᙮ ᐊᑲ ᔭᐱᑕᐃᑕᒡ ᐊᓐᑕ ᒧᔭᒻ ᑯᑎᑲ ᒐᒂᓐ ᐊᓱᐛᐎᒋᐛᓄᐃᒋ ᐊᐧᑯᓱᐅᓂᒡ᙮
ᐊᓐᑕ ᓇᔅᑲᐱ ᐊᐧᑯᓱᒋᐛᐱᒡ ᐊᑎᒂᒡ ᑎᐸᓐ ᒐᒋ ᐃᓯᓱᐛᐎᒋᐛᓄᐤ ᒥᔪᐱᒪᑎᓯᔪᐅᓐ᙮ ᒥᓄᐛᒡ ᐊᓐᑕ ᐊᑐᑕᒡ ᐊᐧᑯᓱᐅᓂᒡ ᒐᒋ ᐛᐎᒐᒡ ᐊᐧᑯᓯᒋ ᐊᐛᐃᐛ ᒐᐃᓯᐱᒧᑕᓄᒡ ᒐᒋ ᑎᒂᒡ ᐊᔅᑯ ᒐᒋ ᐎᒐᑲᓄᒡ ᑭᔭ ᒐᐃᓯᐱᒧᑕᓄᒡ ᐊᓐᑕ ᓄᑕᐱᐃᒡ ᑐᐎᔅ ᒐᒋ ᐛᐎᒐᑲᓄᒡ ᑭᔭ ᒪᑲ ᐊᓐᑕ ᐊᑲ ᑎᑯᓂᒡ ᒐᒋ ᐛᐎᒐᑲᓄᒡ ᑎᐸᓐ ᒐᒋ ᐃᓯᐱᒧᑕᓄᐤ᙮
ᐊᓐᑕ ᐊᓱᐛᐎᒋᐛᓄᒡ ᐊᐧᑯᓱᐅᓂᒡ ᐊᐃᔅᐱᐱᐃᒡ ᑭᔭ ᐊᓯᓂᔅᑐᑕᑎᓱᓇᓄᒡ ᑭᔭ ᐊᔅᑎᒋᑕᑲᓄᒡ ᒐᒋ ᐛᐎᒋᐛᓄᒡ ᐊᓯᐅᓱᑯᑦ ᐊᐛᓐ ᑭᔭ ᑎᐸᓐ ᐊᐧᑯᓱᐅᓇ, ᓴᓯᑲᓐ 24 ᑎᐸᐃᑲᓇ ᐊᐛᐎᒋᐛᓄᒡ, ᐛᒋᑐᔅᒐᒪᑲᓄᒡ ᑯᑎᑲᒡ ᐊᐛᓐᒋ ᐎᐎᑎᒥᒡ ᒧᔭᒻ ᐊᐧᑯᓱᐅᒋᐛᐸ ᑭᔭ ᓂᑐᐧᑯᐎᔭᓴᒡ᙮ ᒐᐎᔅᒐᐃᑕᑲᓄᒡ ᐊᓐᑕ ᓂᑐᐧᑯᐎᔭᔅ ᐅᑕ ᐃᑕᐅᓂᒡ ᑲᓄᐛᐃᒪᑲᓄᑦ
ᐊᐛᓐᒋ ᐊᐧᑯᓯᒡ ᑐᐎᔅ ᒐᒋ ᓇᑐᔅᒐᐃᒪᑲᓄᒡ ᐊᓐᑕ ᐎᐎᑎᒥᒡ ᐊᔨᒥᓇᓄᒡ ᑎᐸᓐ ᐊᐧᑯᓱᐅᒋᐛᐱᒡ ᐃᓯᓇᑯᓂᒡ ᓄᑕᐱᐃᒡ᙮ ᐊᓐᑕ ᐸᐃᒂᐤ ᑲᐃᓯᓇᒂᒡ ᐊᓐᑕ ᑕᑐᐎᒡ ᑲᐃᔅ ᓂᑐᔅᒐᐃᒪᑲᓄᑦ ᑭᔭ ᑯᑎᑲᒡ ᑲᔨᒪᑲᓄᒡ ᓂᑐᐧᑯᐎᔭᓴᒡ ᐊᓐᑕ ᐎᐎᑎᒥᒡ᙮
ᒪᐎᔭ ᑕᑐᐎᒡ ᐊᓐᑕ ᐊᐧᑯᓱᐅᓐ ᐊᓯᑐᔅᑲᔅᑕᑲᓄᒡ ᑭᔭ ᐊᓱᐛᐎᒋᐛᓄᒡ᙮
ᐊᑎᒂᒋ ᐛᐎᑲᐳᐎᑕᑲᓄᒋ ᐊᑐᔅᒐᐅᓐ ᒐᒋ ᐅᒡ ᐛᐎᒋᐛᓄᒡ
