ᐊᑐᔅᒐᐅᓐ ᐛᒋᑐᔅᑲᔅᑕᑲᓄᒡ ᑯᐸᓇᔅ
ᐊᓯᓇᒂᒡ ᐊᑐᔅᒐᐅᓐ ᐅᒋᒪᐅᓂᒡ
ᓇᔅᑲᐱ ᐊᐧᑯᓱᐅᒋᐛᑉ ᐊᓐᑕ ᐊᒋᒥᑕᑦ ᓇᔅᑲᐱ ᐃᔪᔅᒋᒡ ᐊᓐᑕ ᑲᐛᐛᒋᑲᒪᒡ, ᐊᑎᒂᒡ ᓄᒋᒥᔪᔅᒋᔾ ᑭᔭ ᐃᔪᐤ ᐃᑐᐅᓐ᙮ ᐊᓂᔭ ᐊᓯᓇᑯᓂᒡ ᐅᑎᑐᔅᒐᐅᓐ ᐊᔭᔅᑯᔅᑕᑦ, ᐊᐛᑎᔅᑕᑦ, ᐊᔭᔅᑯᔅᑕᑦ ᑭᔭ ᐊᓱᐛᐎᒋᐛᓄᒡ ᐊᐧᑯᓱᐅᓐ ᑭᔭ ᒥᔪᐱᒪᑎᓯᔪᐅᓇᓐᑕ ᓇᔅᑲᐱ ᐃᔪᔅᒋᒡ᙮ ᔭᐱᒡ ᐊᐛᐎᒐᐅᓯᑦ ᐊᓐᑕ ᐊᐧᑯᓱᐅᓐ ᐊᓐᑕ ᐃᑕᐅᓇ ᐊᑎᑕᑲᓄᒋ ᐊᑎᑕᒡ ᐊᐛᓐᒋ᙮
ᓄᑎᒻ ᐊᓐᑕ ᐊᐃᑕᐱᒪᓄᒡ ᐛᔅᑲ ᐊᔅᒋᔾ ᐊᒥᔪᓇᒂᒡ ᑭᔭ ᐱᔅᑯᑎᓇᐛ!
ᒐᒋ ᐛᐎᒐᐅᓯᑦ ᐊᓐᑕ ᑕᐱᓯᓐᑦ ᐊᓐᑕ ᐃᔪᐤ ᐃᑐᐅᓂᒡ ᐊᓐᑕ ᓇᔅᑲᐱ ᐃᔪᔅᒋᒡ ᐅᑕ ᑯᐸᒃ ᑭᔭ ᐊᑎᔅᑭᒥᑲᒡ ᐊᔅᒋᒡ᙮ ᒐᒋ ᐅᒡ ᓂᔅᑐᐛᐸᑕᑦ ᐊᑐᔅᒐᐅᓂᔪᐤ ᐊᒪᒧᔅᑕᑦ ᐱᒪᑎᓯᔪᐅᓂᔪᐤ ᑭᔭ ᐃᔪᔅᒋᔾ ᐊᑐᔅᒐᐅᓐ ᐛᐎᒋᑐᐅᓐ ᐊᔅᒋᐱᑕᑲᓄᒡ ᐃᔪᐤ ᐃᑐᐅᓇ ᐊᓐᑕ ᐱᒪᑎᓯᔪᐅᓂᒡ ᐊᑎᒂᒡ ᓇᓐᑎᒻ ᓴᒋᐃᐛᐅᓐ ᐊᓐᑕ ᐱᑎᓱ ᐃᑐᐅᓂᒡ ᑭᔭ ᐅᑕᒡ ᐱᑲᔅᒋᔪᐅᓐ ᐃᑐᐅᓐ᙮
ᐊᑐᔅᒐᓄᒡ ᐊᓐᑕ ᓇᔅᑲᐱ ᐊᐧᑯᓯᐅᒋᐛᐱᒡ ᒥᔭᐤ ᒥᑯ ᐊᑐᔅᒐᐅᓐ ᒥᔅᑯᒡ ᐊᒥᓴᒡ᙮ ᐊᓱᐛᐎᒋᐛᓄᒡ ᑭᔭ ᐊᓂᑕᐅᒍᐅᓐ ᐱᒪᑎᓯᔪᐅᓂᒡ ᐊᑎᒂᒡ ᒐᒋ ᐛᐎᒋᐛᓄᒡ
ᓴᓯᑲᓐ ᐊᑐᔅᒐᐅᓐ ᐊᓯᓇᒂᒡ
ᐊᐛᓐ ᐊᐛᑎᔅᑕᑦ ᐊᓯᓇᑯᑕᑲᓄᒡ ᐛᐎᒋᑐᐅᓐ, ᐃᔨᒧᐅᓐ ᐊᓇᑐᔅᒐᐃᑕᑲᓄᒡ, ᐊᐛᐸᑎᐛᓄᒡ ᐛᐎᒋᑐᐅᓐ, ᐊᓱᐱᔅᑎᓂᒥᑐᓇᓄᒡ ᐃᔨᒧᐅᓐ, ᐊᒥᔪᔅᑕᑲᓄᒡ ᑭᔭ ᐊᓇᑐᔅᒐᐃᑕᑲᓄᒡ ᐃᔨᒧᐅᓐ ᐊᑎᑯᑕᒡ, ᑭᔭ ᐊᑐᑕᑲᓄᒡ ᒐᒂᓐ ᑲᐤ ᐊᓇᑐᔅᒐᐃᑕᑲᓄᒡ ᐊᓐᑕ ᐸᐃᒄ ᑭᔭ ᒪᒃ ᐱᒪᑎᓯᔪᐅᓂᒡ ᑕᑐᐎᒡ ᒐᒂᓐ ᐊᑐᑕᑲᓄᒡ ᐊᐛᐎᒋᐛᓄᒡ᙮
ᑕᑐᐎᒡ ᐊᓯᓇᒂᒡ ᐊᑐᔅᒐᐅᓇ ᑭᔭ ᒐᒂᓐ ᒐᓄᑕᐱᐃᒡ
ᑕᑐᐎᒡ ᐊᓯᓇᒂᒡ ᐊᑐᔅᑲᔅᑕᑲᓄᒡ ᐊᑐᔅᒐᐅᓐ
- ᐊᔭᔅᑯᔅᑕᑦ, ᐊᓱᐛᑎᔅᑕᑦ ᑭᔭ ᐊᔅᒋᐱᑎᓱᑦ ᐊᓐᑕ ᐱᒪᑎᓯᔪᐅᓂᒡ ᐊᓯᔭᔨᒥᔪᓇᓄᒡ ᐛᒪᓯᑲᑲᓄᑦ ᑭᔭ ᐊᓱᐱᔅᑎᓇᑲᓄᒡ ᐊᐱᒧᑕᑲᓄᒡ ᐃᔨᒧᐅᓐ ᒐᒂᓇ ᐊᑐᑕᑲᓄᒋ᙮ ᐊᓐᑕ ᒐᒋ ᐅᒡ ᐛᐎᒋᑯᑦ ᑯᑎᑲ ᒥᓯᓇᐃᑭᓐᒋᐛᐸ ᑭᔭ ᐃᔪᔅᒋᒡ ᒐᒋ ᐅᒡ ᐊᑐᔅᒐᒪᑦ᙮
- ᐊᑐᔅᑲᔅᑕᑦ ᑯᑎᑲ ᑕᑐᐎᒡ ᐊᑐᔅᒐᐅᓇ ᐊᓐᑕ ᐛᔅᑕᐱᑎᒡ ᐊᔭᔨᐱᔪᐅᓇᓄᒡ ᐱᒪᑎᓯᔪᐅᓂᒡ ᒐᒋ ᐛᐎᒋᐛᓄᒡ ᐊᓐᑕ ᐊᓯᓄᑕᐱᐃᒡ᙮
- ᐊᓱᐛᐎᒋᐛᓄᒡ ᐊᓐᑕ ᐛᔅᑐᐱᐃᐛᒡ ᐱᒪᑎᓯᔪᐅᓐ ᑭᔭ ᒥᒋᐱᐃᒡ ᒐᒂᓐ ᒧᔭᒻ ᐎᐅᑎᓇᑦ ᐊᐛᓐ ᐅᐱᒪᑎᓯᔪᐅᓐ, ᒪᓯᑲᑐᐅᓐ, ᐊᑲ ᒋᑯᓂᑲᑦ ᐊᐛᓐ ᒐᒂᔪᐤ ᑭᔭ ᒥᔅᑎᒂᓐ ᒥᑐᓇᐃᒋᑭᓐ ᐊᐧᑯᓱᐅᓐ᙮
- ᐊᑐᔅᑲᔅᑕᑦ ᐊᑐᔅᒐᐅᓂᔪᐤ ᐊᓯᓇᑐᔅᒐᐃᑕᑲᓄᒡ ᐃᔨᒧᐅᓐ ᐊᑐᑕᒐᑦ ᐱᒪᑎᓯᔪᐅᓐ ᐃᔭᔨᒥᔪᐅᓐ, ᐎᑲᐳᐎᑕᑦ ᒐᐃᔅ ᐛᐎᒋᐛᓄᐃᒡ ᐊᓐᑕ ᐊᓯᓄᑕᐱᒡ ᒐᐃᔅ ᐛᐎᒋᑯᑦ ᐊᐛᓐ ᐊᐛᐎᒐᑲᓄᑦ, ᐊᐛᐎᒋᐛᑦ ᐊᔅᑕᑎᓯᔪᐅᓐ, ᐃᔨᒧᐅᓐ ᐸᔅᑎᓇᑲᓄᒡ, ᐃᔨᒧᐅᓐ ᑭᔭ ᒐᐃᔅ ᐎᑕᑲᓄᒡ ᑕᑐᐎᒡ ᐊᑎᒂᒡ ᐊᓱᐛᐎᒋᐛᓄᒡ ᐊᓐᑕ ᒐᐃᔅ ᓇᓴᐃᑲᓄᒡ ᒐᒋ ᐎᒋᐛᓄᒡ ᐱᒪᑎᓯᔪᐅᓐ ᑭᔭ ᐊᑎᒪᒋᔪᐅᓇᓄᒡ ᐊᓱᔅᑐᐱᐃᑯᑦ ᐊᐛᓐ ᑭᔭ ᐊᐛᐎᒐᑲᓄᒡ ᐊᐛᓐᒋ ᒐᒋ ᐃᔅᐱᐱᑕᑲᓄᒡ ᑭᔭ ᒥᔭᑲᓄᒡ ᐎᐃᐛᐤ ᒐᒋ ᐛᐎᒋᑎᓱᒡ, ᒐᒋ ᒥᔪᐱᐃᒡ ᐅᐱᒪᑎᓯᔪᐅᓄᐛᐤ ᑭᔭ ᐱᑎᑲᔨᓱᒡ ᐊᓐᑕ ᐱᒪᑎᓯᔪᐅᓂᒡ᙮
- ᐊᐛᐎᒋᐛᑦ ᐊᓐᑕ ᐎᑲᐳᐎᑕᑲᓄᒡ ᑭᔭ ᐊᑐᔅᑲᔅᑕᑲᓄᒡ ᐊᓐᑕ ᑕᑐᐎᒡ ᒐᒋ ᐅᒡ ᐊᑐᔅᒐᒪᑲᓄᒡ ᐊᐛᓐᒋ ᑭᔭ ᒪᒧ ᐅᒡ ᐊᑐᔅᒐᒪᑲᓄᒡ ᑯᑎᑲᒡ ᑎᐸᓐ ᐊᓯᑐᔅᒐᒡ ᐊᐛᐎᒋᐛᒡ ᐊᑎᓱ ᐊᓐᑕ ᐎᐎᑎᒥᒡ ᐛᒍᐛᐎᒐᐅᓱᒡ ᒧᔭᒻ ᐅᐛᓴᒡ ᐛᒋᓇᑲᑐᐛᐃᒪᑲᓄᒡ ᐅᒋᒪᐅᓂᒡ, ᑲᒪᑯᓄᐛᓯᒡ ᑭᔭ ᐃᔪᒋᒪᑲᓐᒡ᙮
- ᒐᒋ ᑲᓄᐛᐃᑕᑦ ᑭᔅᑭᔪᐅᓂᔪᐤ ᒐᒋ ᐃᓱᐛᐎᒋᐛᑦ ᑭᔭ ᒐᒂᓇ ᒐᒋ ᐊᑐᑕᑲᓄᒋ ᐊᓐᑕ ᐊᓯᓇᓴᐃᑲᓄᒡ ᓇᔅᑲᐱ ᐃᔪᐤ ᐃᑐᐅᓐ ᑭᔭ ᐃᔅᐱᑕᐃᑎᒧᐅᓇ᙮
- ᐊᑐᔅᑲᔅᑕᑦ ᐊᓐᑕ ᐱᒻᐱᔭᑲᓄᑦ ᐊᐛᓐ ᑯᒂᒋᒐᒧᐅᓇ, ᐎᒍᐛᒡ ᐊᐛᓐᒋ ᐊᓐᑐᐛᐱᒪᑲᓄᒡ, ᒥᓯᓇᐃᑭᓇ ᒐᒋ ᒋᑕᐸᑕᑲᓄᒋ, ᐊᑐᔅᑲᔅᑕᒡ ᐊᑐᔅᒐᐅᓂᔪᐤ ᐛᒋᒪᐅᐃᒥᑥᐎ᙮
ᒐᒂᓇ ᐊᓄᑕᐱᐃᒋ
- ᒐᐎᑲᓄᐛᐃᑕᑦ, ᐃᓯᓇᑯᓂᒡ ᐊᓐᑕ ᐊᓯᓄᑕᐱᐃᒡ ᒐᒂᓐ ᐛᑐᑕᑲᓄᒡ, ᑲᒥᔅᑎᔅᑯᑎᒪᑐᓇᓄᒡ ᑲᔪᐤ ᐊᓐᑕ ᐃᔪᐤ ᐱᒪᑎᓯᔪᐅᓐ ᑭᔭ ᒪᒃ ᐱᒪᑎᓯᔪᐅᓐ ᒧᔭᒻ ᒥᒋᑐᑎᒧᐅᓐ, ᐱᒪᑎᓯᔪᐅᓐ ᐊᑐᔅᒐᐅᓐ ᑭᔭ ᒥᑐᓇᐃᒋᑭᓐ ᑭᔭ ᒥᔅᑎᒂᓐ ᐛᐎᒋᐛᐅᓐ᙮
- ᓂᓱ ᐱᐳᓇ ᐊᓇ ᐊᑐᔅᑲᔅᑕᑲᓄᒡ ᐊᑐᔅᒐᐅᓐ (ᐊᑲᓄᐛᐃᑕᓱᓇᓄᒡ)
- ᑲᐸᒡ ᐃᓯᑐᔅᒐᑦ ᐊᓐᑕ ᐊᑲ ᒥᓴᑦ ᐃᑕᐅᓂᒡ (ᐊᑲᓄᐛᐃᑕᓱᓇᓄᒡ)
- ᓂᓱᐎᒡ ᐃᔨᒧᐅᓂᔪᐤ ᐊᒥᓯᓇᐃᒐᑦ ᑭᔭ ᐊᓯᔨᒥᑦ ᐊᑲᑭᔭᓴᐃᔨᒧᐅᓂᔪᐤ᙮
- ᐊᒥᔪᐎᒐᐛᑦ ᐊᐛᐃᐛ ᑭᔭ ᒪᒧ ᐊᒥᔪᒋᑐᔅᒐᒪᑲᓄᑦ ᐃᓯᑲᓄᐛᐃᑕᑦ᙮
- ᒥᔽᐃᑕᑦ ᐊᓐᑕ ᒐᒋ ᐊᓱᐱᔅᑎᓇᑦ ᐊᔅᒐᐃᑎᒧᐅᓂᔪᐤ ᑭᔭ ᒐᐸᒡ ᐃᓯᑐᔅᒐᑦ ᐊᓂᔭ ᐛᒋᑐᔅᒐᒪᑦ ᐊᐛᐃᐛ
- ᒐᒂᓐ ᐛᐱᐅᒋᑕᑲᓄᒡ ᐛᑐᑕᑲᓄᒡ, ᒐᒋ ᔭᔭᑎᓐᑎᓱᑦ ᑭᔭ ᔭᔅᑯᔅᑕᑲᓄᒡ ᒐᒂᓐ ᒐᑐᔅᑲᐛᒐᓄᒡ ᑭᔅᒋᔪᐅᓐ
- ᐊᒥᔪᔅᒐᐃᑕᑦ ᒐᒂᔪᐤ ᒐᒋ ᐊᓐᑕ ᐊᐅᔅᑲᒡ ᐃᑕᐅᓂᒡ ᒐᒋ ᒥᔪᑎᓇᑦ᙮
- ᐅᑕᐸᓐ ᑲᔪᐤ ᑲᓄᐛᐃᒪᑦ
- ᑯᑎᑲ ᒥᑯ ᐊᓯᓇᒂᒡ ᑕᑐᐎᒡ ᑲᐃᔅ ᐊᔅᑯᑎᒪᑎᓱᑦ ᑭᔭ ᑲᐸᒡ ᐊᑐᔅᑲᔅᑕᑦ ᑭᔅᒋᔪᐅᓂᔪᐤ ᒐᒋ ᒋᑕᐸᑕᑲᓄᐤ
ᒐᐃᓯᓇᑯᓂᒡ ᐊᓐᑕ ᐊᑐᔅᒐᐅᓂᒡ
- ᐊᓯᑯᒻ ᑎᐸᐃᑭᓇ ᑲᓂᐅᓐ ᐊᓐᑕ ᐊᒋᑕᐸᑕᑲᓄᒡ ᑲᐸᒡ ᑕᑎᐳᓇ ᑲᑐᔅᒐᑦ ($27᙮08 ᑭᔭ $47᙮98)
- ᐊᒋᓯᑲᐤ ᐊᑐᔅᒐᑦ
- ᐊᔭᔅᑯᐱᑦ ᐊᓐᑕ ᑲᐃᒥᓇᓄᐃᒡ ᒐᒋ ᐃᔨᒪᑲᓄᑦ᙮
- ᐛᔅᑲ ᐊᑲ ᑎᒂᒡ ᑯᑎᒃ ᐃᑕᐅᓐ ᑭᔭ ᐊᐱᓴᔅᑦ ᐅᑕᐅᓐ ᓴᓯᑲᓐ $10,627 (ᐊᑲ ᑲᓄᐛᐃᒪᑦ ᐅᐛᓴ) ᑭᔭ ᒪᒃ $18,732 (ᐅᐛᓴ ᑲᓄᐛᐃᒪᑦ)
- ᐊᑯᐎᑐᐤ ᒐᓯᑲᑐᐅᓇᓄᒡ $30.27/ᒥᓇᔅᑕᑭᓇ (ᐊᐛᓐ ᑭᔭ ᐅᐛᔅ 12 ᐊᑕᑎᐳᓇᓯᑦ ᑭᔭ ᒪᒃ ᐅᔅᑕ)᙮ $15.16/ᒥᓇᔅᑕᑭᓇ (ᐅᐛᔅ 12 ᓴᑯ ᐊᑕᑎᐳᓇᓯᑦ)᙮
- ᓄᑎᒻ ᒐᒂᓐ ᐊᑎᒂᒡ ᒥᒋᐛᐱᒡ, ᐊᔅᑎᒋᑕᑲᓄᒡ (ᑕᐊᐱᒐᓂᑭᓐ ᑲᒥᓯᓇᐃᒐᐱᐃᒡ ᐛᔅᑕᐱᑎᒡ) ᐊᓐᑕ ᐃᑕᐅᓐ ᑎᒂᒡ ᐊᓐᑕ 50 km ᐊᓐᑕ ᐛᒋᑦ᙮
- ᐊᑎᐱᓇᓄᒡ ᑭᔭ ᐊᔅᑕᓱᓂᒡ ᒐᒂᓐ ᐎᔅᑕᑲᓄᒡ ᐊᔅᐱᔅ ᒪᔅᑎᓐᑎᓱᓇᓄᒡ ᑲᐤ ᐊᒋᓯᑲᓱᒡ ᓇᔅᑲᐱ ᐊᐧᑯᓯᐅᒋᐛᑉ᙮
- ᐳᓱᐅᓇᓐ ᐊᒋᓯᑲᓱᓇᓄᐃᒡ
- ᓂᔍᐤ ᑭᔭ ᒪᒃ ᓇᐛᐤ ᐊᓯᑯᒻ ᐱᐳᓇ ᒐᐱᔅᑎᓇᑲᓄᑦ ᑭᔭ ᐊᔅᐱᔅ ᐃᔅᐱᑯᓯᑦ ᐅᑎᑐᒐᐅᓂᒡ᙮
- ᑲᓄᐛᐃᑕᑦ ᐃᑕᐃᑎᒧᐅᓂᔪᐤ ᒋᐛᑎᓄᒡ ᒐᒋ ᓄᑎᐱᑦ, ᐃᓯᓇᒂᒡ ᓴᔅ ᐊᓐᑕ ᒋᐛᑎᓄᒡ ᐊᑐᔅᒐᑦ ᐊᓐᑕ ᐊᐧᑯᓱᐅᓂᒡ᙮
- ᑲᒋᓯᑲᓱᓇᓄᒡ ᐊᐛᓐ ᒐᑲᔅᑎᓇᑦ
- ᐊᓐᑕ ᑎᐸᓐ ᐊᓱᐛᐎᒋᐛᓄᒡ ᐊᓯᒋᓯᑲᓱᓇᓄᒡ ᐊᓄᑕᐱᓇᓄᒡ ᐛᐎᒋᐛᐅᓐ ᐊᓯᑲᔅᑎᓇᑲᓄᒡ᙮
ᒥᓯᓇᐃᑭᓐ ᐊᓴᑭᔅᒋᑕᑲᓄᒡ ᐊᑐᔅᒐᐅᓐ
ᑐᐎᔅ ᐃᔨᒧᐅᓐ ᐎᓇᑐᔅᒐᐃᑎᒥᓐ ᑭᔭ ᒪᒃ ᒐᒋ ᐱᔅᑎᓂᒪᒄ ᒥᓯᓇᐃᑭᓐ ᒐᒋ ᓴᑭᔅᒋᑕᑲᓄᒡ:
09.nskp.rh@ssss.gouv.qc.ca
ᐸᐃᑯᑕᐤ ᐊᑐᔅᒐᐅᓐ ᐊᓯᒋᑕᐸᑕᑲᓄᒡ
ᓇᔅᑲᐱ ᐊᐧᑯᓱᐅᒋᐛᐱᒡ ᐊᔅᑕᑦ ᐊᓐᑕ ᐸᐃᑯᑕᐤ ᐊᑐᔅᒐᐅᓐ ᒐᒋ ᐊᑎᒂᒡ ᑭᔭ ᐊᓯᒋᒪᑲᓄᒡ ᐃᔪᒡ, ᒐᒋ ᐃᔪᒡ ᐱᔅᑲᐱᒪᑲᓄᒡ, ᐃᔎᐅᒡ ᑭᔭ ᐃᔪᒡ ᐊᑲ ᒥᔪᔭᔭᑎᓐᑎᓱᒡ ᒐᒋ ᓴᑭᔅᒋᑕᒡ ᐊᑐᔅᒐᐅᓂᔪᐤ ᐊᐎᐱᐃᒡ᙮
