ᑯᐸᓇᔅ ᐊᐛᐎᒐᐅᓯᑦ ᐱᒪᑎᓯᔪᐅᓐ ᐊᓱᐛᐎᒋᐛᓄᒡ᙮
ᐊᓯᓇᒂᒡ ᐊᑐᔅᒐᐅᓐ ᐅᒋᒪᐅᓂᒡ
ᓇᔅᑲᐱ ᐊᐧᑯᓱᐅᒋᐛᑉ ᐊᓐᑕ ᐊᒋᒥᑕᑦ ᓇᔅᑲᐱ ᐃᔪᔅᒋᒡ ᐊᓐᑕ ᑲᐛᐛᒋᑲᒪᒡ, ᐊᑎᒂᒡ ᓄᒋᒥᔪᔅᒋᔾ ᑭᔭ ᐃᔪᐤ ᐃᑐᐅᓐ᙮ ᓄᑎᒻ ᐊᓐᑕ ᐊᐃᑕᐱᒪᓄᒡ ᐛᔅᑲ ᐊᔅᒋᔾ ᐊᒥᔪᓇᒂᒡ ᑭᔭ ᐱᔅᑯᑎᓇᐛ!
ᒐᒋ ᑕᐱᓯᒥᑎᓱᑦ ᐊᓐᑕ ᓇᔅᑲᐱ ᐃᔪᔅᒋᒡ ᐅᑕ ᑯᐸᒃ ᑭᔭ ᐊᓐᑕ ᐃᔪᐤ ᐃᑐᐅᓂᒡ᙮ ᒐᒋ ᐊᑐᑕᑦ ᐊᓐᑕ ᒪᒧᔅᑕᑦ ᐱᒪᑎᓯᔪᐅᓐ ᐊᑐᔅᒐᐅᓐ ᐊᓐᑕ ᐃᔪᐤ ᐃᑐᐅᓂᒡ ᐊᓐᑕ ᐊᓯᑯᒻ ᒋᓯᑲᐛ ᒐᒋ ᐊᐱᒋᑕᑲᓄᒡ ᐊᓐᑕ ᓇᓐᑎᒻ ᐊᒥᔽᐃᑕᒡ ᒐᒋ ᐛᐸᑎᐛᒡ ᐃᔪᐤ ᐃᑐᐅᓂᔪᐤ ᑭᔭ ᐃᔪᐤ ᐱᒪᑎᓯᔪᐅᓂᔪᐤ᙮
ᐊᑐᔅᒐᓄᒡ ᐊᓐᑕ ᓇᔅᑲᐱ ᐊᐧᑯᓯᐅᒋᐛᐱᒡ ᒥᔭᐤ ᒥᑯ ᐊᑐᔅᒐᐅᓐ ᒥᔅᑯᒡ ᐊᒥᓴᒡ᙮ ᐊᓱᐛᐎᒋᐛᓄᒡ ᑭᔭ ᐊᓂᑕᐅᒍᐅᓐ ᐱᒪᑎᓯᔪᐅᓂᒡ ᐊᑎᒂᒡ ᒐᒋ ᐛᐎᒋᐛᓄᒡ
ᓴᓯᑲᓐ ᐊᑐᔅᒐᐅᓐ ᐊᓯᓇᒂᒡ
ᐊᐛᓐ ᐊᓐᑕ ᐊᓇᑐᔅᒐᐃᑕᑦ ᐃᔨᒧᐅᓂᔪᐤ ᐊᐛᐎᑕᑲᓄᒡ ᐱᒪᑎᓯᔪᐅᓐ ᐊᑎᑯᑕᒡ, ᒐᒋ ᐊᔅᒐᐃᑕᒂᒡ ᐊᓐᑕ ᒐᐃᔅ ᐛᐎᒋᐛᓄᒡ ᑭᔭ ᒐᐃᔅ ᐱᒧᑕᓄᒡ ᐊᑐᔅᑲᔅᑕᑲᓄᒡ᙮ ᒐᒋ ᐛᐎᒐᐅᓯᒡ ᑭᔭ ᒥᔪᔅᑕᒡ ᐃᔪᐤ ᐱᒪᑎᓯᔪᐅᓐ ᐛᔨᑎᑯᑕᒡ ᐊᓐᑕ ᐛᔅᑲ ᐃᑕᐅᓂᒡ ᐊᓐᑕ ᒐᒋ ᐅᒡ ᓂᑕᐅᒋᒡ ᐊᓐᑕ ᐃᔪᐤ ᓂᑕᐅᒋᑦ ᐊᓐᑕ ᐛᔅᑕᐱᓯᓂᒡ ᐛᔅᑲ ᐊᔅᒋᔪᐤ᙮
ᒐᒋ ᐊᑐᑕᒡ ᒐᐃᓯᓇᑯᓐ, ᒐᐃᓯᐱᒧᑕᓄᒡ, ᒐᐃᔅ ᐊᓱᐱᔅᑎᓂᒪᑐᓇᓄᒡ ᐃᔨᒧᐅᓐ, ᐊᑎᑯᑕᒡ ᐃᔨᒧᐅᓐ, ᐊᓇᑐᔅᒐᐃᑕᑲᓄᒡ, ᐊᐛᑕᐸᑕᑲᓄᒡ ᒐᒂᓐ ᑲᐸᒡ ᐊᑐᑕᑲᓄᒡ ᐊᓐᑕ ᐸᐃᒄ ᑭᔭ ᒪᒃ ᑐᐎᔅ ᐱᒪᑎᓯᔪᐅᓐ ᒐᐃᔅ ᐊᑐᔅᑲᔅᑕᑲᓄᐤ᙮
ᒐᒋ ᐊᑐᔅᑲᔅᑕᑲᓄᒡ ᒐᐃᔅ ᐛᐎᒋᐛᓄᒡ ᐊᐛᓐ ᐛᔅᑐᐱᐃᑯᑦ ᐅᒥᑐᓇᐃᒋᑭᓐ ᐊᓐᑕ ᒐᐃᔅ ᐊᔅᑯᑎᒪᒐᓄᐤ ᑭᔭ ᒐᐃᔅ ᐛᐎᒋᐛᓄᐤ ᐊᓐᑕ ᑕᑐᐎᒡ ᒐᒋ ᐃᓯᐱᒧᑕᓄᒡ ᒐᒋ ᔭᔅᑯᔅᑕᑲᓄᒡ ᒐᐅᒡ ᐊᑐᔅᑲᔅᑕᑲᓄᐤ ᐊᓐᑕ ᐛᔅᑕᐱᑎᓂᒡ ᐅᑎᑐᔅᒐᐅᓄᐛᐤ᙮ ᒐᒋ ᐊᑐᔅᑲᔅᑕᒡ ᐊᓐᑕ ᐊᑎᑯᑕᒡ ᐃᔨᒧᐅᓐ ᐊᓇᑐᔅᒐᐃᑕᑲᓄᒡ, ᐊᓐᑕ ᐛᒋᐱᐃᒡ ᑯᒂᒋᒐᒧᐅᓐ ᐊᓐᑕ ᐅᒋᒪᐅᓂᒡ᙮ ᒐᒋ ᐊᑐᔅᑲᔅᑕᒡ ᐊᓐᑕ ᐃᔨᒧᐅᓂᔪᐤ ᐱᒧᑕᒡ ᑭᔭ ᒪᓯᑲᑲᓄᒡ ᒐᒂᓐ ᐛᔅᑐᐱᐛᒡ ᑕᑐᐎᒡ ᒐᒂᓐ ᒐᒋ ᐊᑐᑕᑲᓄᒡ᙮
ᑕᑐᐎᒡ ᐊᓯᓇᒂᒡ ᐊᑐᔅᒐᐅᓇ ᑭᔭ ᒐᒂᓐ ᒐᓄᑕᐱᐃᒡ
ᑕᑐᐎᒡ ᑯᐎᔅᑯ ᐊᑐᔅᒐᐅᓐ ᒐᒋ ᐊᑐᔅᑲᔅᑕᑲᓄᒡ
- ᐊᑐᔅᑲᔅᑕᑲᓄᒡ ᒐᐃᓯᓇᒂᒡ ᐊᑐᔅᒐᐅᓐ, ᐊᓯᐱᒧᑕᓄᒡ, ᐃᔨᒧᐅᓐ ᐊᓱᐱᔅᑎᓇᑲᓄᒡ, ᐃᔨᒧᐅᓐ ᐊᑎᑯᑕᒡ, ᐃᔨᒧᐅᓐ ᐊᓇᑐᔅᒐᐃᑕᑲᓄᒡ ᑭᔭ ᐃᔨᒧᐅᓐ ᐊᑎᑯᑕᒡ ᒐᒂᓐ ᐊᑐᑕᑲᓄᒡ, ᐸᐃᒄ ᑭᔭ ᒪᒃ ᒥᒐᑦ ᒐᒂᓐ ᐊᒋᑕᐸᑕᑲᓄᒡ ᒥᔪᐱᒪᑎᓯᔪᐅᓐ ᒐᒋ ᐎᒐᑲᓄᒡ ᐊᐛᓐᒋ 0-100 ᐊᑕᑎᐳᓇᓯᒡ᙮
- ᑕᑐᐎᒡ ᐊᑐᔅᑲᔅᑕᑦ ᒥᔅᑎᒂᓐ ᒥᑐᓇᐃᒋᑭᓐ ᐊᐧᑯᓱᐅᓐ ᐊᐛᐎᒋᐛᓄᒡ ᐊᓐᑕ ᓄᑕᐱᐃᒡ᙮
- ᐊᓱᐛᐎᒋᐛᓄᒡ ᐊᓐᑕ ᐛᔅᑐᐱᐃᐛᒡ ᐱᒪᑎᓯᔪᐅᓐ ᑭᔭ ᒥᒋᐱᐃᒡ ᒐᒂᓐ ᒧᔭᒻ ᐎᐅᑎᓇᑦ ᐊᐛᓐ ᐅᐱᒪᑎᓯᔪᐅᓐ, ᒪᓯᑲᑐᐅᓐ, ᐊᑲ ᒋᑯᓂᑲᑦ ᐊᐛᓐ ᒐᒂᔪᐤ ᑭᔭ ᒥᔅᑎᒂᓐ ᒥᑐᓇᐃᒋᑭᓐ ᐊᐧᑯᓱᐅᓐ᙮
- ᐊᑐᔅᑲᔅᑕᑦ ᐊᑐᔅᒐᐅᓂᔪᐤ ᐊᓯᓇᑐᔅᒐᐃᑕᑲᓄᒡ ᐃᔨᒧᐅᓐ ᐊᑐᑕᒐᑦ ᐱᒪᑎᓯᔪᐅᓐ ᐃᔭᔨᒥᔪᐅᓐ, ᐎᑲᐳᐎᑕᑦ ᒐᐃᔅ ᐛᐎᒋᐛᓄᐃᒡ ᐊᓐᑕ ᐊᓯᓄᑕᐱᒡ ᒐᐃᔅ ᐛᐎᒋᑯᑦ ᐊᐛᓐ ᐊᐛᐎᒐᑲᓄᑦ, ᐊᐛᐎᒋᐛᑦ ᐊᔅᑕᑎᓯᔪᐅᓐ, ᐃᔨᒧᐅᓐ ᐸᔅᑎᓇᑲᓄᒡ, ᐃᔨᒧᐅᓐ ᑭᔭ ᒐᐃᔅ ᐎᑕᑲᓄᒡ ᑕᑐᐎᒡ ᐊᑎᒂᒡ ᐊᓱᐛᐎᒋᐛᓄᒡ ᐊᓐᑕ ᒐᐃᔅ ᓇᓴᐃᑲᓄᒡ ᒐᒋ ᐎᒋᐛᓄᒡ ᐱᒪᑎᓯᔪᐅᓐ ᑭᔭ ᐊᑎᒪᒋᔪᐅᓇᓄᒡ ᐊᓱᔅᑐᐱᐃᑯᑦ ᐊᐛᓐ ᑭᔭ ᐊᐛᐎᒐᑲᓄᒡ ᐊᐛᓐᒋ ᒐᒋ ᐃᔅᐱᐱᑕᑲᓄᒡ ᑭᔭ ᒥᔭᑲᓄᒡ ᐎᐃᐛᐤ ᒐᒋ ᐛᐎᒋᑎᓱᒡ, ᒐᒋ ᒥᔪᐱᐃᒡ ᐅᐱᒪᑎᓯᔪᐅᓄᐛᐤ ᑭᔭ ᐱᑎᑲᔨᓱᒡ ᐊᓐᑕ ᐱᒪᑎᓯᔪᐅᓂᒡ᙮
- ᐊᐛᐎᒋᐛᑦ ᐊᓐᑕ ᐎᑲᐳᐎᑕᑲᓄᒡ ᑭᔭ ᐊᑐᔅᑲᔅᑕᑲᓄᒡ ᐊᓐᑕ ᑕᑐᐎᒡ ᒐᒋ ᐅᒡ ᐊᑐᔅᒐᒪᑲᓄᒡ ᐊᐛᓐᒋ ᑭᔭ ᒪᒧ ᐅᒡ ᐊᑐᔅᒐᒪᑲᓄᒡ ᑯᑎᑲᒡ ᑎᐸᓐ ᐊᓯᑐᔅᒐᒡ ᐊᐛᐎᒋᐛᒡ ᐊᑎᓱ ᐊᓐᑕ ᐎᐎᑎᒥᒡ ᐛᒍᐛᐎᒐᐅᓱᒡ ᒧᔭᒻ ᐅᐛᓴᒡ ᐛᒋᓇᑲᑐᐛᐃᒪᑲᓄᒡ ᐅᒋᒪᐅᓂᒡ, ᑲᒪᑯᓄᐛᓯᒡ ᑭᔭ ᐃᔪᒋᒪᑲᓐᒡ᙮
- ᒐᒋ ᑲᓄᐛᐃᑕᑦ ᑭᔅᑭᔪᐅᓂᔪᐤ ᒐᒋ ᐃᓱᐛᐎᒋᐛᑦ ᑭᔭ ᒐᒂᓇ ᒐᒋ ᐊᑐᑕᑲᓄᒋ ᐊᓐᑕ ᐊᓯᓇᓴᐃᑲᓄᒡ ᓇᔅᑲᐱ ᐃᔪᐤ ᐃᑐᐅᓐ ᑭᔭ ᐃᔅᐱᑕᐃᑎᒧᐅᓇ᙮
- ᐊᑐᔅᑲᔅᑕᑦ ᐊᓐᑕ ᐱᒻᐱᔭᑲᓄᑦ ᐊᐛᓐ ᑯᒂᒋᒐᒧᐅᓇ, ᐎᒍᐛᒡ ᐊᐛᓐᒋ ᐊᓐᑐᐛᐱᒪᑲᓄᒡ, ᒥᓯᓇᐃᑭᓇ ᒐᒋ ᒋᑕᐸᑕᑲᓄᒋ, ᐊᑐᔅᑲᔅᑕᒡ ᐊᑐᔅᒐᐅᓂᔪᐤ ᐛᒋᒪᐅᐃᒥᑥᐎ᙮
- ᐊᓇᓴᑦ ᐊᑐᔅᒐᐅᓂᔪᐤ ᐊᑎᓱᒪᑲᓄᑦ ᑭᔭ ᐅᒋᒪᐛ ᐊᓯᓐᑐᐛᐃᑎᒪᑯᑦ ᐊᓐᑕ ᒥᓯᓇᐃᑭᓇ ᒐᒋ ᓇᑲᑐᐛᐃᑕᑦ (ᐊᐧᑯᓱᐅᓂᒡ ᐃᔨᒧᐅᓐ ᒥᓯᓇᐃᑭᓐ ᑭᔭ ᐊᓯᑯᒻ ᒥᓇᔅᑕᑲᓇ ᒥᓯᓇᐃᑭᓇ ᒐᒋ ᐊᑐᑕᑲᓄᒋ ᐃᔨᒧᐅᓐ ᐊᑎᑯᑕᒡ)
- ᐃᔨᒧᐅᓐ ᐊᓇᑐᔅᒐᐃᑕᑲᓄᒡ ᑭᔭ ᐎᐎᑎᒥᒡ ᐊᐃᔨᑎᓴᐛᑲᓄᒡ ᐊᐛᓐᒋ ᒐᒋ ᐛᐱᒪᒡ ᓂᑐᐧᑯᐎᔭᓴ ᒐᒋ ᐛᐎᒐᑲᓄᒡ ᐊᓯᓄᑕᐱᐃᒡ᙮
- ᐛᐎᒋᐛᑦ 24 ᑎᐸᐃᑭᓇ/ 7 ᑕᑐᒋᓯᑲᐛ ᐊᐛᓐ ᐅᔅᑐᐱᐃᑯᑦ ᐅᒥᑐᓇᐃᒋᑭᓐ ᒐᒋ ᐅᒡ ᐛᐎᒐᑲᓄᑦ, ᐊᔅᑎᒋᑕᑲᓄᒡ ᒋᔅᒋᑯᒡ ᒐᒂᓐ ᐃᔅᐱᐃᒡ ᐊᓐᑕ ᐎᓱᐛᐅᓐ ᐊᒋᑕᐸᑕᑲᓄᒡ ᐊᐧᑯᓱᐅᓐ ᑭᔭ ᐱᒪᑎᓯᔪᐅᓐ ᐊᑐᔅᒐᐅᓐ᙮
- ᐛᐎᒐᑦ ᑭᔭ ᐊᔅᐸᐛᑕᑦ ᐃᔪᔅᒋᒡ ᑲᑐᔅᒐᓯᒋ ᑭᕐᔭ ᐱᒪᑎᓯᔪᐅᓂᔪᐤ ᑲᐅᒡ ᐛᐎᒐᔨᒋ ᑯᓇᐸᓴ᙮
- ᐃᔨᒧᐅᓐ ᐊᓱᐱᓯᓇᑦ ᐊᓐᑕ ᒋᐛᑎᓄᒡ-ᓴᐅᓄᒡ ᒥᓯᓇᐃᑭᓐᒋᐛᐸ
- ᒥᔅᑯᑎᔅᑲᒐᑦ ᑯᑎᑲ ᑲᑐᔅᒐᓯᒋ ᐊᓐᑕ ᐊᑲᑕᐃᒋ᙮
- ᐊᑐᔅᑲᔅᑕᑦ ᑯᑎᑲ ᐊᑐᔅᒐᐅᓇ ᐛᔅᑕᐱᑎᓂᒡ ᐊᓯᓇᑯᓂᒡ ᐅᑎᑐᔅᒐᐅᓐ ᐊᓐᑕ ᐃᓯᑯᒂᒋᒐᒧᑯᑦ ᐅᒋᒪᐛ᙮
ᒐᒂᓇ ᐊᓄᑕᐱᐃᒋ
- ᑲᒥᔅᑎᔅᑯᑎᒪᑐᓇᓄᐃᒡ ᑲᔪᔭ ᑲᓄᐛᐃᒪᑦ ᐊᓐᑕ ᐱᒪᑎᓯᔪᐅᓐ ᐊᐛᐎᒋᐛᓄᒡ ᐊᑐᔅᒐᐅᓐ
- ᒥᔪᓇᑯᓯᑦ ᐊᓐᑕ ᐅᑎᑐᔅᒐᐅᓂᒡ ᑭᔭ ᐊᐱᔅᑕᑦ ᐊᓐᑕ ᐊᑐᔅᒐᐅᓂᒡ ᐊᓐᑕ ᐊᐧᑯᓱᐅᓂᒡ ᑭᔭ ᒥᔪᐱᒪᑎᓯᔪᐅᓐ ᐊᑐᔅᒐᐅᓂᒡ ᐊᐛᐎᒐᑲᓄᒡ ᐎᑲᓂᓯᒪᐅᒡ ᐅᑕ ᑯᐸᒃ
- ᓂᓱ ᐱᐳᓇ ᐊᓇ ᐊᑐᔅᑲᔅᑕᑲᓄᒡ ᐊᑐᔅᒐᐅᓐ (ᐊᑲᓄᐛᐃᑕᓱᓇᓄᒡ)
- ᑲᐸᒡ ᐃᓯᑐᔅᒐᑦ ᐊᓐᑕ ᐊᑲ ᒥᓴᑦ ᐃᑕᐅᓂᒡ (ᐊᑲᓄᐛᐃᑕᓱᓇᓄᒡ)
- ᓂᓱᐎᒡ ᐃᔨᒧᐅᓂᔪᐤ ᐊᒥᓯᓇᐃᒐᑦ ᑭᔭ ᐊᓯᔨᒥᑦ ᐊᑲᑭᔭᓴᐃᔨᒧᐅᓂᔪᐤ᙮
- ᐊᒥᔪᐎᒐᐛᑦ ᐊᐛᐃᐛ ᑭᔭ ᒪᒧ ᐊᒥᔪᒋᑐᔅᒐᒪᑲᓄᑦ ᐃᓯᑲᓄᐛᐃᑕᑦ᙮
- ᒥᔽᐃᑕᑦ ᐊᓐᑕ ᒐᒋ ᐊᓱᐱᔅᑎᓇᑦ ᐊᔅᒐᐃᑎᒧᐅᓂᔪᐤ ᑭᔭ ᒐᐸᒡ ᐃᓯᑐᔅᒐᑦ ᐊᓂᔭ ᐛᒋᑐᔅᒐᒪᑦ ᐊᐛᐃᐛ
- ᒐᒂᓐ ᐛᐱᐅᒋᑕᑲᓄᒡ ᐛᑐᑕᑲᓄᒡ, ᒐᒋ ᔭᔭᑎᓐᑎᓱᑦ ᑭᔭ ᔭᔅᑯᔅᑕᑲᓄᒡ ᒐᒂᓐ ᒐᑐᔅᑲᐛᒐᓄᒡ ᑭᔅᒋᔪᐅᓐ
- ᐊᒥᔪᔅᒐᐃᑕᑦ ᒐᒂᔪᐤ ᒐᒋ ᐊᓐᑕ ᐊᐅᔅᑲᒡ ᐃᑕᐅᓂᒡ ᒐᒋ ᒥᔪᑎᓇᑦ᙮
- ᐅᑕᐸᓐ ᑲᔪᐤ ᑲᓄᐛᐃᒪᑦ
ᒐᐃᓯᓇᑯᓂᒡ ᐊᓐᑕ ᐊᑐᔅᒐᐅᓂᒡ
- ᐊᓯᑯᒻ ᑎᐸᐃᑭᓇ ᑲᓂᐅᓐ ᐊᓐᑕ ᐊᒋᑕᐸᑕᑲᓄᒡ ᑲᐸᒡ ᑕᑎᐳᓇ ᑲᑐᔅᒐᑦ ($27᙮08 ᑭᔭ $47᙮98)
- ᐊᒋᓯᑲᐤ ᐊᑐᔅᒐᑦ
- ᐊᔭᔅᑯᐱᑦ ᐊᓐᑕ ᑲᐃᒥᓇᓄᐃᒡ ᒐᒋ ᐃᔨᒪᑲᓄᑦ᙮
- ᐛᔅᑲ ᐊᑲ ᑎᒂᒡ ᑯᑎᒃ ᐃᑕᐅᓐ ᑭᔭ ᐊᐱᓴᔅᑦ ᐅᑕᐅᓐ ᓴᓯᑲᓐ $10,627 (ᐊᑲ ᑲᓄᐛᐃᒪᑦ ᐅᐛᓴ) ᑭᔭ ᒪᒃ $18,732 (ᐅᐛᓴ ᑲᓄᐛᐃᒪᑦ)
- ᓄᑎᒻ ᒐᒂᓐ ᐊᑎᒂᒡ ᒥᒋᐛᐱᒡ, ᐊᔅᑎᒋᑕᑲᓄᒡ (ᑕᐊᐱᒐᓂᑭᓐ ᑲᒥᓯᓇᐃᒐᐱᐃᒡ ᐛᔅᑕᐱᑎᒡ) ᐊᓐᑕ ᐃᑕᐅᓐ ᑎᒂᒡ ᐊᓐᑕ 50 km ᐊᓐᑕ ᐛᒋᑦ᙮
- ᒋᐛᑎᓄᒡ ᐊᓴᑎᐱᓇᓄᒡ ᑭᔭ ᐊᔅᑕᓱᐅᒋᐛᑉ ᒐᒂᓐ ᐊᔅᑕᑲᓄᒡ ᑲᐃᔅ ᒪᔅᑎᓐᑎᓱᓇᓄᒡ ᒐᒋᓯᑲᓱᑦ ᑲᐤ ᓇᔅᑲᐱ ᐊᐧᑯᓱᐅᒋᐛᑉ
- ᐳᓱᐅᓇᓐ ᐊᒋᓯᑲᓱᓇᓄᐃᒡ
- ᓂᔍᐤ ᑭᔭ ᒪᒃ ᓇᐛᐤ ᐊᓯᑯᒻ ᐱᐳᓇ ᒐᐱᔅᑎᓇᑲᓄᑦ ᑭᔭ ᐊᔅᐱᔅ ᐃᔅᐱᑯᓯᑦ ᐅᑎᑐᒐᐅᓂᒡ᙮
- ᑲᓄᐛᐃᑕᑦ ᐃᑕᐃᑎᒧᐅᓂᔪᐤ ᒋᐛᑎᓄᒡ ᒐᒋ ᓄᑎᐱᑦ, ᐃᓯᓇᒂᒡ ᓴᔅ ᐊᓐᑕ ᒋᐛᑎᓄᒡ ᐊᑐᔅᒐᑦ ᐊᓐᑕ ᐊᐧᑯᓱᐅᓂᒡ᙮
- ᑲᒋᓯᑲᓱᓇᓄᒡ ᐊᐛᓐ ᒐᑲᔅᑎᓇᑦ
- ᐊᓐᑕ ᑎᐸᓐ ᐊᓱᐛᐎᒋᐛᓄᒡ ᐊᓯᒋᓯᑲᓱᓇᓄᒡ ᐊᓄᑕᐱᓇᓄᒡ ᐛᐎᒋᐛᐅᓐ ᐊᓯᑲᔅᑎᓇᑲᓄᒡ᙮
ᒥᓯᓇᐃᑭᓐ ᐊᓴᑭᔅᒋᑕᑲᓄᒡ ᐊᑐᔅᒐᐅᓐ
ᑐᐎᔅ ᐃᔨᒧᐅᓐ ᐎᓇᑐᔅᒐᐃᑎᒥᓐ ᑭᔭ ᒪᒃ ᒐᒋ ᐱᔅᑎᓂᒪᒄ ᒥᓯᓇᐃᑭᓐ ᒐᒋ ᓴᑭᔅᒋᑕᑲᓄᒡ:
09.nskp.rh@ssss.gouv.qc.ca
ᐸᐃᑯᑕᐤ ᐊᑐᔅᒐᐅᓐ ᐊᓯᒋᑕᐸᑕᑲᓄᒡ
ᓇᔅᑲᐱ ᐊᐧᑯᓱᐅᒋᐛᐱᒡ ᐊᔅᑕᑦ ᐊᓐᑕ ᐸᐃᑯᑕᐤ ᐊᑐᔅᒐᐅᓐ ᒐᒋ ᐊᑎᒂᒡ ᑭᔭ ᐊᓯᒋᒪᑲᓄᒡ ᐃᔪᒡ, ᒐᒋ ᐃᔪᒡ ᐱᔅᑲᐱᒪᑲᓄᒡ, ᐃᔎᐅᒡ ᑭᔭ ᐃᔪᒡ ᐊᑲ ᒥᔪᔭᔭᑎᓐᑎᓱᒡ ᒐᒋ ᓴᑭᔅᒋᑕᒡ ᐊᑐᔅᒐᐅᓂᔪᐤ ᐊᐎᐱᐃᒡ᙮
