ᑎᐸᐃᒋᒧᐅᓐ

ᐊᑲᔅᑎᓇᑲᓄᒡ ᐊᐅᔅᑲᒡ ᐊᓐ ᐅᐱᓐ ᐊᐧᑯᓱᐅᓐ TUBERCULOSIS ᐅᑕ ᐃᔪᔅᒋᒡ

ᑲᐛᐛᒋᑲᒪᒡ, ᒍᓇᔭᓂᐱᓯᒺ , 2023 - ᐊᓐ ᓇᔅᑲᐱ ᐊᐧᑯᐅᒋᐛᑉ ᑭᔭ ᑯᐸᒃ ᒋᐛᑎᓄᒡ ᐊᐧᑯᓱᐅᓐ ᒐᑐᔅᑲᔅᑕᒡ ᐊᓇᑐᔅᒐᐃᑕᑲᓄᒡ ᐊᓐᑕ ᐊᔅᒐᐃᑕᒂᒡ, ᐎᐱᐃᒡ, ᒐᒋ ᐃᓯᓇᒂᒡ ᐅᐱᓐ ᐊᐧᑯᓱᐅᓐ TB ᒐᒋ ᑲᓄᐛᐎᑕᒡ ᐊᐛᓐᒋ ᐅᑕ ᐃᔪᔅᒋᒡ ᑭᔭ ᐊᓐᒡ ᑯᑎᑲᒡ ᐊᐛᓐᒋ ᒐᒋ ᑲᓄᐛᐃᑕᒡ ᒧᔭᒻ ᐊᑲ ᐃᔭᒋᑦ ᐅᐱᓐ ᐊᐧᑯᓱᐅᓐ, ᒐᒋ ᐊᓐᑕ ᑎᒂᒡ ᓂᑲᐃᑲᓄᒡ ᒐᒋ ᐊᓱᒥᔭᑲᓄᒡ ᑯᑎᑲᒡ ᐊᐛᓐᒋ ᒐᒋ ᑲᔅᑎᓇᒡ᙮

ᐸᐃᒄ ᐊᐛᓐ ᐊᓐᑕ ᑲᔅᒐᐃᒪᑲᓄᑦ ᑲᑲᔅᑎᓇᑦ ᑲᓄᐛᐃᑕᑦ ᐊᓂᔭ ᐅᐱᓐ ᐊᐧᑯᓱᐅᓐ tuberculosis᙮ ᐅᐱᓐ ᐊᐧᑯᓱᐅᓐ tuberculosis ᒐᒋ ᐛᓂᓴ ᑲᔅᑎᓂᒻ ᐊᐛᓐ ᑭᔭ ᐊᓐᑕ ᐅᐱᓐ ᐊᐧᑯᓱᐅᓐ ᒐᒋ ᒥᔅᑕᐧᑯᓯᑦ᙮

ᐊᓐᑕ ᒐᐃᔅ ᒪᑎᑕᑦ ᐊᐛᓐ ᑲᓄᐛᐃᑕᑦ ᐅᐱᓐ ᐊᐧᑯᓱᐅᓐ tuberculosis ᒪᐎᔭ:

• ᐊᐅᔅᑕᑦ ᐅᔅᑕ ᓂᔅᑐ ᒥᓇᔅᑕᑭᓇ, ᑭᔭ ᐊᐅᔅᑕᑦ ᐅᑎᒋᑯᒪ ᑭᔭ ᒪᒃ ᒥᐧᑯᔪᐤ;

• ᐊᒋᑕᐛᐱᑦ ᑭᔭ ᐊᑈᐱᐃᑦ ᑕᐱᔅᑲᐃᒋ;

• ᐊᒥᔅᑎᔭᔅᑯᓯᑦ;

• ᐛᓂᑕᑦ ᐊᔅᐱᑎᑦ ᑭᔭ ᐊᑲ ᒋᒥᔨᒍᑦ᙮

ᐅᔭ ᐊᑕᐧᑯᓯᔭᒄ, ᒐᒋ ᐃᔨᒥᔭᒄ ᐎᐱᒡ ᐊᐧᑯᓱᒋᐛᐱᒡ ᐊᓐᑕ ᐃᔪᔅᒋᒡ᙮

ᐊᓐᑕ ᒋᐛᑎᓄᒡ ᓇᓯᐸᑎᒥᒡ ᐊᐧᑯᓱᐅᓐ ᐛᒋᑐᔅᑲᔅᑕᑲᓄᒡ ᑭᔭ ᓇᔅᑲᐱ ᐊᐧᑯᓱᐅᒋᐛᑉ ᓴᔅ ᐊᓂᔭ ᐊᒋᒋᐱᐃᒡ ᓇᑐᔅᒐᐃᒪᒡ ᐊᐛᐃᐛ ᒐᒋ ᑲᓄᐊᐃᑎᒥᒋ ᐊᓂᔭ ᐊᐧᑯᓱᐅᓂᔪᐤ ᐅᑕ ᐃᔪᔅᒋᒡ ᒐᒋ ᐎᐱᐃᒡ ᐊᓐᑐᐧᑲᑲᓄᒡ, ᐊᓄᒡ, ᐊᐛᓐᒋ ᐊᔅᑎᒋᒪᑲᓄᒡ ᒐᒋ ᓇᑐᔅᒐᐃᑕᑲᓄᒡ ᒐᑯᒂᒋᒐᒪᑲᓄᒡ ᒐᒋ ᓇᑐᔅᒐᐃᑕᑲᓄᒡ ᐊᓐᑕ ᒐᒋ ᐅᔭ ᐃᓯᓇᑐᔅᒋᑕᒪᑲᓄᒡ:

• ᐊᓂᔅᑯᐛᑲᓄᑦ ᓂᑐᐧᑯᐃᔎᔅ ᒐᒋ ᓇᑐᔅᒐᐃᒪᑦ ᐊᐛᐃᐛ;

• ᓄᑎᒻ ᐊᓇᑐᔅᒐᐃᒪᑲᓄᑦ;

• ᒐᓴᐳ ᐛᐱᒪᑭᓄᑦ;

• ᐅᓯᔅᑐᑯᓐ ᐅᑎᒋᑯᒪ ᐊᓇᑐᔅᒐᐃᒪᑲᓄᑦ;

• ᐅᓯᑭᔾ ᐊᓇᑐᔅᒐᐃᑕᑲᓄᐃᒡ ᐅᔅᐱᑐᐅᓂᒡ ᑭᔭ ᐅᒥᐧᒄ ᒐᒋ ᐅᑎᓇᑲᓄᐃᒡ᙮

ᐃᓯᓇᑯᓂᒡ ᐸᐃᒄ ᐎᑲᓂᓯᒪᐤ ᒐᒋ ᑲᓄᐛᐃᑕᑦ ᒧᔭᒻ ᓇᐅᔅ ᐊᐅᔅᑐᔅᑕᑦ, ᓴᐳᑐᐛ ᒐᒋ ᐃᑐᑕᑲᓄᑦ ᓇᔅᑲᐱ ᐊᐧᑯᓯᐅᒋᐛᐱᒡ ᒐᒋ ᓇᑐᔅᒐᐃᒻᓇᑲᓄᑦ ᑭᔭ ᐛᐎᒐᑲᓄᑦ᙮

ᐊᓯᓐᑐᐛᐃᑕᑲᓄᒡ

• ᒐᒋ ᐃᔨᒥᔭᒄ ᐊᓐᑕ ᐊᐧᑯᓯᐅᒋᐛᐱᒡ (418-585-2110 ext. 215) ᐊᓐᑕ ᓂᔅᑐ ᒥᓇᔅᑕᑭᓇ ᒐᒋ ᐅᔅᑎᒪᒄ᙮

• ᒐᒋ ᑕᑈᑎᒺᒄ ᐊᓐᑕ ᐎᓇᑐᔅᒐᐃᒥᑯᔭᒄ ᑯᒂᒋᒐᒧᐅᔭᒄ᙮

• ᐃᔭᐃᒪᐃᑎᒥᑯᔭᒄ ᐊᓐ ᐅᐱᓐ ᐊᐧᑯᓱᐅᓐ TB, ᒐᒋ ᐃᔨᒥᔭᒄ ᐊᓐᑕ ᓇᔅᑲᐱ ᐊᐧᑯᓯᔪᒋᐛᐱᒡ᙮